చమురు రంగంలో పనిచేస్తున్న కార్మికులు స్ట్రైక్‌కి పిలుపునివ్వడం పట్ల కువైట్‌ పెట్రోలియం కార్పొరేషన్‌ అప్రమత్తమైంది. కార్మిక సంఘాలతో చర్చలకు సిద్ధమైనప్పటికీ, కార్మికులు చర్చలకు సుముఖత వ్యక్తం చేయడంలేదు. అంతర్జాతీయంగా నెలకొన్న ముడిచమురు ధరల పతనం కారణంగా, పే హైక్‌ ఇబ్బందులు తలెత్తాయి. 20000 మంది కార్మికులు ఆందోళన చేస్తున్నారు ఈ విషయం గురించి. కార్మికులు ఇచ్చిన స్ట్రైక్‌ కాల్‌పై అప్రమత్తమైన కువైట్‌ ఆయిల్‌ కార్పొరేషన్‌ ప్రత్యామ్నాయ ఏర్పాట్లకు సమాయత్తమవుతోంది. చర్చలకు వస్తే, కటింగ్‌ల విషయంలో పునరాలోచిస్తామని కువైట్‌ ఆయిల్‌ కార్పొరేషన్‌ చెప్పినా పే హైక్‌ విషయంలో వెనుకాడే ప్రసక్తే లేదని కార్మిక సంఘాలు అంటున్నాయి.