కువైట్: ట్రాఫిక్ విభాగం అధికారులు అల్-అర్దియా ప్రాంతంలో ఆకస్మిక వాహన తనిఖీలు చేపట్టారు. ఈ సందర్భంగా దాదాపు మూడు గంటల్లో 600 ఉల్లంఘనలను నమోదు చేశారు. బీమా గడువు, డ్రైవింగ్ లైసెన్సుల గడువు ముగియడం వంటి కారణాలతో అత్యధిక నోటీసులు జారీ అయినట్లు అధికారులు తెలిపారు. రాబోయే రోజుల్లో మరిన్ని ప్రాంతాల్లో తనిఖీలు నిర్వహిస్తామని.. డ్రైవింగ్ లైసెన్స్, ఇన్సూరెన్స్ చెల్లుబాటును ప్రతి ఒక్కరూ చెక్ చేసుకోవాలని అధికారులు సూచించారు.