మాస్ సినిమాలకు పెట్టింది పేరుగా నిలిచిన మాస్ రాజా రవితేజ ఇటీవల వరుస ఫాఫులతో సఫర్ అవుతున్న సంగతి తెలిసిందే. లేటెస్టుగా మాస్ రాజా నటించిన ‘రామారావు ఆన్ డ్యూటీ’ సినిమా బాక్సాఫీస్ వద్ద బోల్తా కొట్టింది.
అయినా ఆయన జోరు తగ్గలేదు. ఇప్పటికే చేతిలో రెండు ప్రాజెక్టులున్నాయ్. అవే ‘టైగర్ నాగేశ్వరరావు’, ‘అసురన్’ ప్రాజెక్టులు. వీటితో పాటూ, నిఖిల్ డైరెక్టర్‌తో రవితేజ మరో సినిమాకి గ్రీన్ సిగ్నల్ ఇచ్చేశాడనీ తాజా సమాచారం.
నిఖిల్‌తో ‘సూర్య వెర్సస్ సూర్య’ సినిమా తెరకెక్కించిన కార్తిక్ ఘట్టమనేని రవితేజకి ఓ కథ చెప్పాడట. సూపర్ నేచురల్ పవర్స్ కాన్సెప్ట్‌లో రూపొందుతోన్న ఈ సినిమా కథ రవితేజకి తెగ నచ్చేసిందట.
దాంతో త్వరలోనే సినిమా పట్టాలెక్కించేద్దాం.. అని కార్తీక్‌కి హామీ ఇచ్చాడట రవితేజ. ‘సూర్య వెర్సస్ సూర్య’ సినిమాలో వెలుగు అంటే పడని హీరో కథని ఎంతో అందంగా అద్భుతంగా తెరకెక్కించి నిఖిల్‌కి కెరీర్‌లో మంచి హిట్ ఇచ్చాడు. ఈ సినిమాతోనే నిఖిల్ కెరీర్ టర్న్ అయ్యింది కూడా.
ఇప్పుడు మాస్ రాజాకి కూడా కార్తీక్ హిట్టు కట్టబెడతాడేమో చూడాలి మరి. అన్నట్లు కార్తీక్ ఘట్టమనేని ప్రముఖ సినిమాటోగ్రాఫర్‌గా పలు సూపర్ హిట్ సినిమాలకు వర్క్ చేశారు. రీసెంట్‌ సూపర్ హిట్ ‘కార్తికేయ 2’ కి కార్తీక్ సినిమాటోగ్రాఫర్ కమ్ ఎడిటర్‌గా వర్క్ చేశాడు.