ఖతార్: కార్ల దొంగతనానికి పాల్పడుతున్న ఇద్దరు వ్యక్తులను క్రిమినల్ ఇన్వెస్టిగేషన్ డిపార్ట్‌మెంట్ అరెస్టు చేసినట్లు అంతర్గత వ్యవహారాల మంత్రిత్వ శాఖ (MoI) సోషల్ మీడియాలో ప్రకటించింది. దేశంలో జరిగిన దొంగతనాలపై దర్యాప్తు చేసేందుకు ప్రత్యేక విభాగాన్ని ఏర్పాటు చేసిన తర్వాత ఇద్దరు వ్యక్తులను అరెస్ట్ చేసినట్లు పేర్కొంది. వాహనాలు, విలువైన వస్తువులను భద్రపరచడానికి అవసరమైన గట్టి చర్యలు తీసుకోవాలని మంత్రిత్వ శాఖ ప్రజలకు సూచించింది. దొంగతనం లేదా ఇతర నేర సంబంధిత విషయాలపై హెల్ప్‌లైన్ 999లో ఫిర్యాదు చేయాలని కోరింది.