బహ్రెయిన్: నకిలీ పాస్‌పోర్ట్‌ను మరొక వ్యక్తికి విక్రయించాడని ఆరోపణలు ఎదుర్కొంటున్న బహ్రెయిన్ వ్యక్తి అప్పీల్‌ను హై అప్పీల్స్ కోర్టు తిరస్కరించింది. కోర్టు ఫైల్స్ ప్రకారం.. 24 ఏళ్ల నిందితుడు బహ్రెయిన్ పాస్‌పోర్ట్‌లను అందజేస్తానని పలువురిని మోసం చేశాడు. అనేక మందికి నకిలీ పాస్‌పోర్ట్‌లను అంటగట్టాడు. ఈ క్రమంలోనే 59 ఏళ్ల అరబ్ వ్యక్తితో బహ్రెయిన్ పాస్ పోర్ట్ కోసం BD300,000కు బేరం కుదుర్చుకున్నాడు. ఈ నేపథ్యంలో అరబ్ వ్యక్తికి నకిలీ పాస్‌పోర్టు అందజేస్తుండగా.. నిందితుడిని పోలీసులు అరెస్టు చేశారు. తన వద్ద దొంగిలించబడిన ఒరిజినల్ పాస్‌పోర్ట్ ఉందని, దానిని టర్కీకి పంపానని, అక్కడ నకిలీ పాస్‌పోర్ట్‌లను తయారు చేయిస్తానని నిందితుడు విచారణ సందర్భంగా కోర్టు ముందు అంగీకరించాడు. 

--రాజేశ్వర్(మాగల్ఫ్ ప్రతినిధి,బహ్రెయిన్)