యూఏఈ: అబుదాబిలో బిగ్ టికెట్ ర్యాఫిల్ డ్రా గురించి అందరికీ తెలిసిందే.ఈ ఫేమస్ బిగ్ టికెట్ సంస్థకు సైబర్ తిప్పలు తప్పలేదు.అచ్చంగా బిగ్ టికెట్ పేరుతో సోషల్ మీడియాలో కొంతమంది సైబర్ నేరగాళ్లు ఫేక్ అకౌంట్ తెరిచారు.ఇది బిగ్ టికెట్ కు రెండో అకౌంట్ అని దీని ద్వారా కూడా ఆన్ లైన్ లో బిగ్ టికెట్ కొనుకోవచ్చంటూ మోసాలు షురూ చేశారు.ఐతే విషయం తెలుసుకున్న బిగ్ టికెట్ సంస్థ అలెర్ట్ అయ్యింది. తమకు ఎలాంటి రెండో అకౌంట్ లేదంటూ స్పష్టం చేసింది. ఎవ్వరూ ఈ ఖాతా చూసి మోసపోవద్దని సూచించింది.ఫేక్ అకౌంట్ స్క్రీన్ షాట్ ను కూడా తీసి జాగ్రత్త అంటూ ప్రకటన విడుదల చేసింది. బిగ్ టికెట్ కొనుక్కునే వారు సరైన ఎంక్వైయిరీ ద్వారానే టికెట్ కొనుగోలు చేయాలని సూచించింది.