కువైట్: రోడ్లపై ట్రాఫిక్ నియంత్రణకు కఠిన చర్యలు తీసుకోవాల్సిన అవసరం ఉందని కువైట్ సొసైటీ ఆఫ్ ఇంజనీర్స్ కార్యదర్శి, ఇంజినీర్ ఫహాద్ అల్-ఒతైబీ అభిప్రాయపడ్డారు. ముఖ్యంగా కొత్త విద్యా సంవత్సరం ప్రారంభంతో కువైట్‌లోని చాలా రోడ్లపై ట్రాఫిక్ రద్దీ అధికంగా ఉందన్నారు. అన్ని మంత్రిత్వ శాఖలలోని సంబంధిత అధికారులు పాఠశాలలు, ప్రభుత్వ సంస్థల పని గంటలను సమన్వయం చేసి ట్రాఫిక్ రద్దీకి అనుకూలంగా సవరించాలని సూచించారు. సీటు బెల్ట్‌ ధరించడం, డ్రైవింగ్ సమయంలో ఫోన్‌ను అవాయిడ్ చేయడం,  వేగ పరిమితిని పాటించడం వంటి వాటితోపాటు రోడ్డు చట్టాలు, నిబంధనలకు వాహనదారులు కట్టుబడి ఉండాలని ఆయన పిలుపునిచ్చారు.