జెడ్డా:  పాకిస్థాన్‌లోని కరాచీలోని జిన్నా అంతర్జాతీయ విమానాశ్రయంలో సౌదీ అరేబియా ఎయిర్‌లైన్స్ ప్రయాణీకుల విమానానికి పెను ప్రమాదం తప్పింది. బోయింగ్ 330 విమానం జెడ్డా నుంచి పాకిస్థాన్‌కు ప్రయాణికులతో వెళ్లింది. శుక్రవారం కరాచీలోని జిన్నా అంతర్జాతీయ విమానాశ్రయంలో ల్యాండ్ అవుతుండగా.. ఇంజిన్‌ను పక్షి ఢీకొట్టింది. అయితే, పైలట్ విమానాన్ని విమానాశ్రయంలో సురక్షితంగా ల్యాండ్ చేయడంతో ప్రాయాణికులు ఊపిరి పీల్చుకున్నారు. ఈ ఘటనపై సౌదీ ఎయిర్‌లైన్స్ ప్రతినిధి మాట్లాడుతూ.. ప్రయాణీకుల విమానం SV 700 ఇంజిన్ నంబర్ 1ను పక్షి ఢీకొట్టిందన్నారు. విమానాన్ని తాత్కాలికంగా నిలిపివేశామన్నారు. విమాన ఇంజినీరింగ్ సిబ్బంది మరమ్మతు పనులు ప్రారంభించారని తెలిపారు.