బహ్రెయిన్ : బహ్రెయిన్ చట్టాలను ఉల్లంఘిస్తూ అక్రమంగా ఉంటున్న ప్రవాసులపై నేషనాలిటీ, పాస్ పోర్ట్ అండ్ రెసిడెన్సీ అఫైర్స్ (NPRA) డిపార్ట్ మెంట్ ఫోకస్ పెట్టింది. ఇలాంటి వారిని గుర్తించేందుకు ప్రత్యేకంగా తనిఖీలు స్టార్ట్ చేసింది. మనామా సిటీ లో క్యాపిటల్ పోలీసుల సహకారంతో (NPRA) అధికారులు తనిఖీలు చేపట్టారు. బహ్రెయిన్ చట్టాలను ఉల్లంఘించి ఉంటున్న ప్రవాసులను గుర్తించి అరెస్ట్ చేశారు. వీరిపై చట్ట ప్రకారం చర్యలు తీసుకుంటామని అధికారులు చెప్పారు. అదే విధంగా అక్రమంగా నివాసం ఉంటున్న ప్రవాసులకు బహ్రెయిన్ చట్టాలపై అవగాహన కల్పించేందుకు అన్ని గవర్నరేట్ల పరిధిలో ప్రత్యేక కార్యక్రమాలు నిర్వహిస్తామన్నారు. అక్రమంగా నివాసం ఉంటున్న వారి సమాచారం అందించాలని బహ్రెయిన్ పౌరులకు సూచించారు. తమ చుట్టు పక్కల ఎవరైనా ప్రవాసులు అక్రమంగా నివాసిస్తున్నట్లు అనుమానం కలిగితే వెంటనే 170770777 నంబర్ కు కాల్ లేదా info@npra. gov. bh. కు మెయిల్ కు గానీ చేయాలని  సూచించారు.