కువైట్ : అక్రమంగా విదేశీ మద్యాన్ని దేశంలోకి తరలించే ప్రయత్నాన్ని కస్టమ్స్ అధికారులు అడ్డుకున్నారు. షువైక్ పోర్ట్ లో తనిఖీ చేసి 18, 000 విదేశీ బాటిళ్లను స్వాధీనం చేసుకున్నారు. రెండు పెద్ద కంటైనర్లలో ఐరన్ రాడ్స్ లోడ్ మధ్యలో ఈ బాటిల్స్ ను ఉంచి స్మగ్లింగ్ చేస్తున్నారు. ఐతే పక్కా సమాచారం ఉండటంతో కస్టమ్స్ ఆఫీసర్స్ వీటి పట్టుకున్నారు. ఐరన్ రాడ్స్ ను తొలగించి మద్యం బాటిళ్లను గుర్తించటానికి అధికారులు చాలా కష్టపడాల్సి వచ్చింది. అటు భారీ ఎత్తున అక్రమంగా దేశంలోకి తరలిస్తున్న విదేశీ మద్యాన్ని పట్టుకున్న కస్టమ్స్ సిబ్బందిని  డిప్యూటీ ప్రైమ్ మినిస్టర్, అంతర్గత వ్యవహారాల మంత్రి షేక్ తలాల్ అల్ ఖలీద్, వాణిజ్య శాఖ మంత్రి  పహద్ అల్ షరియాన్  ప్రశంసించారు.