‘గాడ్ ఫాదర్’ సినిమాపై భయంకరమైన నెగిటివిటీ ప్రచారం జరుగుతోంది. మొన్నీ మధ్య రిలీజ్ చేసిన ఓ సాంగ్ ప్రోమోకి సంబంధించి ఫుల్ వీడియో సాంగ్ అనుకున్న డేట్‌కి రిలీజ్ కాలేదు. టెక్నికల్ ఇష్యూస్ కారణంగా ఆ వీడియో రిలీజ్ చేయలేకపోయామంటూ చిత్ర యూనిట్ పేర్కొంది.
కానీ, ఆలస్యం ఒక్కరోజు లేదంటే, రెండు రోజులు మాత్రమే. సెప్టెంబర్ 15న రావాల్సిన ఈ వీడియో సాంగ్ ఇన్ని రోజులు కావస్తున్నా రిలీజ్ కాకపోవడంపై అనుమానాలు వ్యక్తమవుతున్నాయ్. జస్ట్ సాంగ్ వీడియోకే పరిస్థితి ఇలా వుంటే, మరి సినిమా అయినా అనుకున్న టైమ్‌కి రిలీజ్ అవుతుందా.? లేదా.? అనే అనుమానాలు వస్తున్నాయి.
ఇలాంటి అనుమానాలే మెగాస్టార్ చిరంజీవిలోనూ వున్నాయట. ‘ఆచార్య’ సినిమా తర్వాత చిరంజీవి నుంచి వస్తున్న సినిమా ఇది. దాంతో, చిరంజీవి కూడా ఒకింత టెన్షన్‌గానే వున్నారట. అసలే రీమేక్ సినిమా. ఓటీటీలో అందుబాటులో వున్న ఈ సినిమా ఒరిజినల్‌ని ఆల్రెడీ ఆడియన్స్ చాలా వరకూ చూసేశారు.
దాంతో సినిమాని ఓటీటీలో రిలీజ్ చేయడం బెటరా.? అనే ఆలోచనలోనూ చిరంజీవి వున్నారనీ అత్యంత విశ్వసనీయ వర్గాల ద్వారా అందుతోన్న సమాచారం. 
ఇదిలా వుంటే, మరోవైపు సల్మాన్ ఖాన్ తన సన్నివేశాల అవుట్ పుట్‌పై కూడా ఒకింత గుస్సా అవుతున్నారనీ తెలుస్తోంది. ‘గాడ్ ఫాదర్’పై ఎందుకిన్ని అనుమానాలు.? నిజంగా అనుమానాలేనా.? లేక దుష్ప్రచారమా.? తెలియాలంటే అక్టోబర్ 5 వరకూ ఆగాల్సిందే.