ఒమన్ విద్యాశాఖ మంత్రి డాక్టర్ మదిహా బిన్త్ అహ్మద్ అల్ షైబానియా,  బహ్రెయిన్ విద్యాశాఖ మంత్రి డాక్టర్ మజీద్ బిన్ అలీ అల్ నుయిమి మర్యాదపూర్వకంగా భేటీ అయ్యారు. ఐక్యరాజ్యసమితి ప్రధాన కార్యాలయంలో జరిగిన ట్రాన్స్‌ఫార్మింగ్ ఎడ్యుకేషన్ సమ్మిట్‌లో వారు పాల్గొన్న నేపథ్యంలో ఈ సమావేశం జరిగింది. విద్యా రంగంలో సహకార మార్గాలు, నైపుణ్య మార్పిడిపై ఇరువురు విద్యామంత్రులు చర్చించారు. ప్రతిభావంతులైన విద్యార్థులకు వాణిజ్య, ఆర్థిక విషయాలను బోధించడంతో సహా ప్రభుత్వ పాఠశాలల విద్యార్థులకు సాంకేతిక, వృత్తి విద్యను బోధించడంపై ఇరువురు విద్యామంత్రులు సమీక్షించారు.