ఆగిపోయిందనుకున్న ‘భారతీయుడు 2’ సినిమాని ఎట్టకేలకు పట్టాలెక్కించారు లోక నాయకుడు కమల్ హాసన్. కరోనాకి ముందే సెట్లో జరిగిన క్రెయిన్ యాక్సిడెంట్ కారణంగా ఈ సినిమాని అర్ధాంతరంగా నిలిపేశారు. ఆ తర్వాత డైరెక్టర్ శంకర్, మెగా పవర్ స్టార్ రామ్ చరణ్‌తో సినిమాని లాంచ్ ఛేశాడు. కామ్‌గా షూటింగ్ కూడా కానిచ్చేస్తున్నాడు.
ఇటీవల ‘విక్రమ్’ సినిమాతో దాదాపు నాలుగేళ్ల తర్వాత ఫామ్‌లోకి వచ్చిన విశ్వనటుడు కమల్ హాసన్, అప్పటికప్పుడు శంకర్‌ని ఒప్పించి ఈ సినిమాని తిరిగి సెట్స్ మీదికి తీసుకెళ్లే ప్రయత్నాలు చేశారు. ఫ్రయత్నాలు ఫలించడంతో సడెన్‌గా ‘ఇండియన్ 2’ పట్టాలెక్కేసింది.
సమాంతరంగా అటు చరణ్ సినిమానీ, ఇటు కమల్ సినిమానీ పూర్తి చేస్తానని శంకర్ ప్రకటించారనుకోండి. ఆ సంగతి పక్కన పెడితే, తాజాగా ‘ఇండియన్ 2’ సెట్స్‌లో కమల్ హాసన్ సందడి షురూ చేశారు. దీనికి సంబంధించిన లేటెస్ట్ వీడియో ఒకటి సోషల్ మీడియాలో హల్‌చల్ చేస్తోంది. ఆల్రెడీ కొంతమేర షూటింగ్ పూర్తి చేసుకున్న ఈ సినిమాని వీలైనంత త్వరగా పూర్తి చేసి, విడుదల చేయాలని కమల్ అండ్ టీమ్ యోచిస్తోందట.
ఈ సినిమా తిరిగి ప్రారంభం కావడంతో హీరోయిన్లు కాజల్ అగర్వాల్, రకుల్ ప్రీత్ సింగ్ పట్టరాని సంతోషం వ్యక్తం చేస్తున్నారు.