మస్కట్: రాయల్ హాస్పిటల్ కు ఏకంగా 4 మిలియన్ రియాలను విరాళంగా ఇచ్చి తన మంచి మనసును చాటుకున్నారు షేక్ అమీనా సౌద్ బహ్వాన్. హాస్పిటల్ లో సీనియర్ సిటిజన్ ఐసీఈ యూనిట్ తో పాటు పేరెంటల్ న్యూట్రిషియన్, క్యాన్సర్ పేషెంట్లకు మందులు, ఫిజియోథెరపీ విభాగాలను విస్తరించేందుకు ఈ మొత్తాన్ని హాస్పిటల్ కు అందజేశారు.దీంతో షేక్ అమీనా సౌద్ బహ్వాన్, వారి ఫౌండేషన్ నిర్వాహకులకు హాస్పిటల్ నిర్వాహకులు కృతజ్ఞతలు తెలిపారు. అమీనా సౌద్ బహ్వాన్ ఫౌండేషన్, ఒమన్ హెల్త్ మినిస్ట్రీ సాయంతో రాయల్ హాస్పిటల్ లో మరిన్ని విభాగాల్లో సేవలను విస్తరిస్తామని ప్రకటించారు.