యూఏఈ : ఇటీవల కాలంలో అధికారులు ఏదైనా షాప్ కు గానీ సంస్థకు గానీ సీల్ వేస్తే చాలా మంది దాన్ని తొలగించటమో, లేదా సీల్ ను పగలగొట్టటమో చేస్తున్నారు. మళ్లీ యథాతథంగా తమ కార్యాకలాపాలు చేసుకుంటున్నారు. దీనిపై యూఏఈ పబ్లిక్ ప్రాసిక్యూషన్ సీరియస్ అయ్యింది. సీల్ తొలగించే వారిపై కఠిన చర్యలు తప్పవని ట్విట్టర్ ద్వారా హెచ్చరించింది. అధికారులు వేసిన సీల్ ను తొలగించిన వారికి 10 వేల దిర్హామ్ ల ఫైన్, ఏడాది జైలు శిక్ష ఉంటుందని స్పష్టం చేసింది. ఇలాంటి పనులను మానుకోవాలని హెచ్చరించింది. సీల్ తొలగించే ప్రయత్నంలో ఎవరిపైనైనా దాడులు చేస్తే మరింత కఠినంగా శిక్షలు ఉంటాయని తేల్చిచెప్పింది.