రియాద్: భారీ మాదకద్రవ్యాల స్మగ్లింగ్ ను రియాద్ భద్రతా అధికారులు అడ్డుకున్నారు. పుచ్చకాయల షిప్‌మెంట్‌లో దాచిన మొత్తం 765,000 యాంఫెటమైన్ మాత్రలను గుర్తించి స్వాధీనం చేసుకున్నారు. దీనికి సంబంధించి ఇద్దరు సౌదీలు, ముగ్గురు సిరియన్లు సహా ఐదుగురు వ్యక్తులను అరెస్టు చేసినట్లు మాదక ద్రవ్యాల నియంత్రణ జనరల్ డైరెక్టరేట్ ప్రతినిధి మేజర్ ముహమ్మద్ అల్-నుజైదీ తెలిపారు. నిందితులపై ప్రాథమిక చట్టపరమైన చర్యలు తీసుకున్నామని, వారిని పబ్లిక్ ప్రాసిక్యూషన్‌కు తరలించామని వెల్లడించారు.