ఖతార్: FIFA వరల్డ్ కప్ ఖతార్ 2022 సందర్భంగా సౌదీ అరెబియా జట్టు ఆడే మ్యాచుల కోసం దమ్మామ్-దోహా మధ్య మరిన్ని విమాన సర్వీసులను నడుపనున్నట్లు ఖతార్ ఎయిర్‌వేస్ ప్రకటించింది. సౌదీ అరేబియాలోని ఫుట్‌బాల్ అభిమానులకు తమ జాతీయ జట్టుకు మద్దతు ఇచ్చేందుకు తమ నిర్ణయం దొహదం చేస్తుందని తెలిపింది. శీతాకాలపు షెడ్యూల్‌లో భాగమైన ఐదు రోజువారీ విమానాలతో పాటు, సౌదీ జాతీయ జట్టు ఆడబోయే మ్యాచ్‌ల కోసం  మరో ఐదు విమానాలను నడుపనున్నట్లు ఖతార్ ఎయిర్‌లైన్ పేర్కొంది. నవంబర్ 22న సౌదీ అరేబియా వర్సెస్ అర్జెంటీనా మ్యాచ్ ఉండగా.. నవంబర్ 26న పోలాండ్.. నవంబర్ 30న మెక్సికో తో సౌదీ తలపడనుంది. ఫుట్ బాల్ అభిమానులు తమ వెబ్‌సైట్‌లో SAR1,436 ప్రత్యేక ధరతో టిక్కెట్‌లను బుక్ చేసుకోవచ్చని ఖతార్ ఎయిర్ లైన్స్ సూచించింది.