కువైట్: స్కిల్డ్ లేబర్ ప్రాజెక్టులో భాగంగా వర్క్ వీసా పొందేందుకు 20 వృత్తుల్లో నైపుణ్య పరీక్షలు నిర్వహించనున్నట్లు పబ్లిక్ అథారిటీ ఫర్ మ్యాన్‌పవర్ డెవలప్‌మెంట్ తెలిపింది. ప్రవాస కార్మికులను నియమించే వృత్తుల్లో నైపుణ్య పరీక్షలు ఆయా దేశాల్లోని కువైట్ రాయబార కార్యాలయాల సహకారంతో జరుగుతాయన్నారు. కువైట్‌కు చేరుకున్న తర్వాత కార్మికుడు వర్క్ పర్మిట్‌కు అర్హత పొందే ముందు ప్రాక్టికల్ పరీక్షకు హాజరుకావలసి ఉంటుందని అథారిటీ పేర్కొంది. లేబర్ మార్కెట్‌లో అధిక డిమాండ్ ఉన్న 20 వృత్తులను గుర్తించామని, రాబోయే రోజుల్లో మరిన్ని వృత్తులకు విస్తరిస్తామని తెలిపింది. ఒకవేళ కార్మికుడు ప్రాక్టికల్ పరీక్షలలో విఫలమైతే, స్పాన్సర్ బయలుదేరే సమయానికి తిరిగి వచ్చే ఛార్జీని చెల్లించవలసి ఉంటుందని స్పష్టం చేశారు.