మస్కట్: ఉత్తర అల్ బతినాలో రెండు వాహనాలను దొంగిలించి దేశంలోకి అక్రమంగా ప్రవేశించారనే ఆరోపణలపై ఇద్దరు ప్రవాసులను అరెస్టు చేసినట్లు రాయల్ ఒమన్ పోలీసులు (ROP) వెల్లడించారు. ఆరోపణలు ఎదుర్కొంటున్న ప్రవాసులు రెండు వాహనాలను దొంగిలించారని తెలిపింది. వాటిని ఉపయోగించి చట్టవిరుద్ధంగా దేశంలోకి ప్రవేశించారని, ఉత్తర అల్ బతినా గవర్నరేట్ పోలీస్ కమాండ్ చేపట్టిన తనిఖీల్లో ఇద్దరు ప్రవాసులు దొరికిపోయారని పోలీసులు పేర్కొన్నారు. అరెస్టయిన వారిపై చట్టపరమైన ప్రక్రియలు త్వరలోనే పూర్తవుతాయని వెల్లడించారు.