దుబాయ్‌: రోడ్డుపై డ్రైవర్‌పై దాడి చేసినందుకు 34 ఏళ్ల యూరోపియన్‌కు క్రిమినల్ కోర్టు 10,000 దిర్హామ్‌లు జరిమానా విధించింది. కోర్టు ఫైల్స్ ప్రకారం.. బాధితుడు జెబెల్ అలీ నుండి ఫెస్టివల్ సిటీ దిశగా అల్ ఖైల్ స్ట్రీట్ ఎడమ లేన్‌లో అనుమతించిన వేగంతో తన వాహనాన్ని నడుపుతున్నాడు. నిందితుడైన యూరోపియన్ నడుపుతున్న వాహనం అతని ముందు ఉంది. బాధితుడు ముందుకు వెళ్లేందుకు వీలుగా హైబీమ్‌ను ఉపయోగించి అతనికి సిగ్నల్ ఇవ్వడానికి ప్రయత్నించాడు, కానీ అతను పట్టించుకోలేదు. దీంతో సమాంతర లేన్‌కు వెళ్లడం ద్వారా తన మార్గాన్ని మార్చుకున్నాడు. కానీ యూరోపియన్ వ్యక్తి తనను అనుసరించాడు. ట్రాఫిక్ సిగ్నల్ దగ్గర కారు ఆపగానే నిందితుడు తన కారు వద్దకు వచ్చి కిటికీ తెరిచి డ్రైవర్ ముఖంపై కొట్టాడు. అనంతరం బాధితుడు పోలీసులు ఆశ్రయించాడు. ఫోరెన్సిక్ బృందం పరిశీలనలో నిందితుడు కొట్టడం కారణంగా బాధితుడికి గాయం అయిందని నిర్ధారించారు. అలాగే నిందితుడు కూడా పోలీసు విచారణ సందర్భోంగా తన తప్పును అంగీకరించాడు.