బాలీవుడ్ బ్యూటీ సన్నీలియోన్ తెలుగులో ఓ సినిమా చేస్తున్న సంగతి తెలిసిందే. అదే మంచు విష్ణు నటించిన ‘జిన్నా’ సినిమా. పాయల్ రాజ్‌పుత్ ఒక హీరోయిన్‌గా నటిస్తున్న ఈ సినిమాలో సన్నీలియోన్ ఫుల్ లెంగ్త్ క్యారెక్టర్ పోషిస్తోంది.
ఈ నెల 21న ‘జిన్నా’ రిలీజ్‌కి సిద్ధమవుతోంది. ఈ సందర్భంగా యూనిట్ గట్టిగానే ప్రమోషన్లు చేస్తోంది. అలాగే, సన్నీలియోన్ కూడా తనవంతుగా సోషల్ మీడియాలో సినిమాని ప్రమోట్ చేస్తోంది.
తన వంతుగా ప్రమోషన్ అంటే ఏముందిలెండి. హాట్ ఫోటో షూట్లతో రెచ్చిపోతోందంతే, తద్వారా తనకు ఫాలోయింగ్, అలాగే సినిమాకి ప్రమోషన్.. రెండూ జరిగిపోతున్నాయన్న మాట. ఇక, సినిమా విషయానికి వస్తే, హీరోయిన్ పాయల్ పాత్ర కన్నా, సన్నీలియోన్ పాత్రకే ఈ సినిమాలో ఎక్కువ ప్రాధాన్యత వుండబోతోందట. 
ఈ సినిమాలో నటించినందుకు సన్నీలియోన్ షాకింగ్ రెమ్యునరేషన్ తీసుకుందనీ ప్రచారం. కాగా, గతంలో సన్నీలియోన్, మంచు మనోజ్ హీరోగా వచ్చిన ‘కరెంట్ తీగ’ సినిమాలో స్పెషల్ రోల్ చేసిన సంగతి తెలిసిందే. ఆ సినిమా కూడా హిట్ కాలేదు. ఇప్పుడీ సినిమా అయినా హిట్టవుతుందో లేదో.? చూడాలి మరి.