దోహా: ఖతార్‌లోకి మెథాంఫెటమైన్‌ను అక్రమంగా రవాణా చేసేందుకు చేసిన ప్రయత్నాన్ని అడ్డుకున్నట్లు ఎయిర్ కార్గో, ప్రైవేట్ ఎయిర్‌పోర్ట్స్ కస్టమ్స్ పోస్టల్ కన్సైన్‌మెంట్ విభాగం వెల్లడించింది. ఈ ఘటనలో స్వాధీనం చేసుకున్న పదార్థం మొత్తం బరువు 1.65 కిలోలు ఉంటుందని తెలిపింది. క్రీడా సామగ్రి ఉన్న పార్శిల్‌లో దాచిన నిషిద్ధ వస్తువుల ఫోటోలను కూడా కస్టమ్స్ విభాగం తన సోషల్ మీడియా ఖతాలో షేర్ చేసింది. గత సోమవారం (అక్టోబర్ 17) హమద్ ఇంటర్నేషనల్ ఎయిర్‌పోర్ట్‌లో మూడు కిలోల మెథాంఫెటమైన్‌ను స్వాధీనం చేసుకున్న విషయం తెలిసిందే.