సౌదీ: తూర్పు ప్రావిన్స్‌లోని అల్-అహ్సాలోని క్రిమినల్ కోర్టు వివాహిత మహిళను లైంగికంగా వేధించినందుకు దోషిగా తేలిన వ్యక్తికి ఐదేళ్ల జైలు శిక్ష విధించింది. అలాగే అతని వాట్సాప్ ఖాతాను మూసివేయాలని, మొబైల్ ఫోన్‌ను జప్తు చేయాలని కోర్టులో మొదటి జాయింట్ క్రిమినల్ సర్క్యూట్ తీర్పు చెప్పింది. కోర్టు ఫైల్స్ ప్రకారం.. బాధిత మహిళ భర్త చేసిన ఫిర్యాదు ఆధారంగా పబ్లిక్ ప్రాసిక్యూషన్ నిందితుడిపై అభియోగాలు నమోదు చేసింది. వాట్సాప్‌లో లైంగిక ఉద్దేశ్యంతో అసభ్యకరమైన సందేశాలను పంపి, లైంగిక సంపర్కానికి ఆహ్వానించడం ద్వారా మహిళను ప్రలోభపెట్టడానికి ప్రయత్నించాడని సదరు వ్యక్తిపై ఆరోపణలు నమోదయ్యాయి. విచారణ సందర్భంగా నిందితుడు తన తప్పును ఒప్పుకున్నాడు. సైబర్ క్రైమ్ నిరోధక చట్టంలోని ఆర్టికల్ 6-8 ప్రకారం అతనికి 4 సంవత్సరాల 6 నెలల జైలుశిక్ష, మరో 6 నెలలు క్రమశిక్షణా కింద కోర్టు శిక్షను ఖరారు చేసింది.