మస్కట్: అక్టోబర్ 27 నుండి ఒమన్ సుల్తానేట్‌లోకి ఫిఫా ప్రపంచ కప్ 2022 అభిమానులు ప్రవేశించవచ్చు. ఇందుకు సంబంధించిన వీసా దరఖాస్తుల స్వీకరణ ప్రారంభమైనట్లు రాయల్ ఒమన్ పోలీస్ (ROP) వెల్లడించారు. హయ్యా కార్డ్ కలిగి ఉన్న ప్రపంచ కప్ అభిమానులకు సుల్తానేట్ ఆఫ్ ఒమన్ ఉచిత బహుళ ప్రవేశ వీసాను అందిస్తుంది. ఈ వీసా 60 రోజులపాటు చెల్లుబాటులో ఉంటుంది. evisa వెబ్‌సైట్ ద్వారా రెండుసార్లు పొడిగించుకోవచ్చు. హయ్యా కార్డ్‌ని పొందిన తర్వాత విమాన టిక్కెట్, ఫోటోగ్రాఫ్, పాస్‌పోర్ట్ కాపీ, స్టే చేసిన హోటల్ సమాచారాన్నివీసా వెబ్ సైట్ (evisa.rop.gov.om) లో అప్లోడ్ చేసి.. దరఖాస్తును సమర్పించడం ద్వారా వీసా పొందవచ్చని రాయల్ ఒమన్ పోలీసులు ప్రకటించారు.