పవర్ స్టార్ పవన్ కళ్యాణ్ నటిస్తున్న‘హరి హర వీరమల్లు’ చిత్రం ప్రస్తుతం శరవేగంగా షూటింగ్ జరుపుకుంటున్న సంగతి తెలిసిందే. వచ్చే ఏడాది వేసవిలో ఈ సినిమా రిలీజ్ చేసేందుకు సన్నహాలు జరుగుతున్నాయ్.
క్రిష్ జాగర్లమూడి దర్శకత్వంలో తెరకెక్కుతోన్న ఈ సినిమాలో నిధి అగర్వాల్ హీరోయిన్‌గా నటిస్తోంది. హిస్టారికల్ బ్యాక్‌డ్రాప్‌లో రూపొందుతోన్న ఈ సినిమాకి బాలీవుడ్ వన్నెలు అద్దబోతున్నారు మేకర్లు.
తాజాగా ఈ సినిమాలో ఓ ఇంపార్టెంట్ రోల్‌కి సంబంధించి తాజాగా అప్‌డేట్ రిలీజ్ చేసింది చిత్ర యూనిట్. బాలీవుడ్ నటుడు బాబీ డియోల్ ఈ సినిమాలో కీలక పాత్ర పోషిస్తున్నాడు. రీసెంట్‌గా ఆయన పాత్ర పేరును పరిచయం చేస్తూ అధికారికంగా ప్రకటించింది చిత్ర యూనిట్.
బాబీ డియోల్ ఈ సినిమాలో ఔరంగజేబు పాత్రలో కనిపించనున్నారు. ఈ పాత్ర కోసం మొదట అర్జున్ రాంపాల్‌ని అనుకున్నారు. ఏమైందో ఏమో తెలీదు కానీ, సడెన్‌గా ఆ ప్లేస్‌లోకి బాబీ డియోల్ వచ్చి చేరాడు.