‘చిట్టి’గా ‘జాతి రత్నాలు’ సినిమాతో యూత్‌లో మంచి పేరు తెచ్చుకున్న ముద్దుగుమ్మ ఫరియా అబ్ధుల్లా. ఈ సినిమా తర్వాత కొన్ని సినిమాల్లో గెస్ట్ రోల్స్ పోషించింది ఈ పొడుగు సుందరి. 
అయితే, హీరోయిన్‌గా మాత్రం సెకండ్ మూవీ ‘లైక్ షేర్ సబ్‌స్క్రైబ్’. అదేనండీ చిట్టి నటిస్తున్న తాజా సినిమా పేరు. విచిత్రంగా వుంది కదా. సినిమా కూడా అంతే. ఫుల్‌గా ఫన్ టోన్‌లో వుండబోతోంది. సంతోష్ శోభన్ ఈ సినిమాలో హీరోగా నటిస్తున్నాడు.
రీసెంట్‌గా రిలీజ్ చేసిన ఈ సినిమా ట్రైలర్‌కి మంచి రెస్పాన్స్ వచ్చింది. నవంబర్ 4న ఈ సినిమా ప్రేక్షకుల ముందుకు రానుంది. కాగా, ఈ సినిమా తనకు సరికొత్త ఎక్స్‌పీరియన్స్ ఇచ్చిందంటోంది ఫరియా అబ్ధుల్లా. 
ఈ సినిమాలో ట్రావెలర్ వ్లాగర్‌ పాత్రలో నటిస్తున్నారు హీరో, హీరోయిన్లు ఇద్దరూ. ఆధ్యంతం కథ చాలా ఎంటర్టైనింగ్‌గా నడుస్తుందని ఫరియా చెబుతోంది. ‘జాతిరత్నాలు’ మాదిరి ఈ సినిమా కూడా మంచి ఎంటర్‌టైనింగ్ హిట్ ఇస్తుందని నమ్మకం వ్యక్తం చేస్తోంది ఫరియా.
అలాగే ఈ సినిమా పేరు చెప్పి తొలిసారి విదేశీ ప్రయాణం చేసేశానని తెగ సంబరపడిపోతోంది ఫరియా అబ్ధుల్లా.