బాబ్రీ మసీద్‌ కూల్చివేత.. అనంతర పరిణామాల నేపథ్యంలో రూపుదిద్దుకున్న ఓ కథ సినిమాగా తెరకెక్కనుంది. బాలీవుడ్‌ నటుడు అజయ్‌ దేవగణ్‌ ఈ సినిమాలో నటించనున్నట్లు తెలుస్తోంది. రచయిత విజయేంద్ర ప్రసాద్‌ ఈ సినిమా గురించి అజయ్‌కి వివరించారు. ఈ చిత్రానికి కబీర్‌ అనే పేరు ఖరారు చేశారు.ఇది వివాదాస్పద చిత్రమో, మరొకటో.. కాదని, బాబ్రీ మసీదు కూల్చేసినప్పుడు దేశం ఎలాంటి క్లిష్ట పరిస్థితులను ఎదుర్కొందో తెలిపేలా సినిమా సాగుతుందని చిత్రబృందం తెలిపింది. అన్నీ కుదిరితే విజయేంద్ర ప్రసాద్‌ ఈ చిత్రానికి దర్శకత్వం వహిస్తారు. సెన్సార్‌ బోర్డ్‌ చీఫ్‌ పహలజ్‌ నిహ్లానీ నిర్మాతగా వ్యవహరిస్తారు.