ఖతార్‌ యూనివర్సిటీ (క్యూయూ) ఆరవ స్టడీ అబ్రాడ్‌ ఫెయిర్‌ విజయవంతమయ్యింది. సోమవారం జరిగిన ఈ ఫెయిర్‌లో 22 అకడమిక్‌ ఇన్‌స్టిట్యూషన్స్‌ అలాగే, వివిధ దేశాలకు సంబంధించిన ప్రతినిథులు పాల్గొన్నారు. ఖతార్‌ స్టూడెంట్స్‌కి వివిధ దేశాల్లో ఉన్న అవకాశాల్ని తెలుసుకోడానికి ఈ వేదిక ఉపయోగపడుతంది. యూనివర్సిటీకి చెందిన స్కాలర్‌షిప్స్‌ మరియు పార్టనర్‌షిప్స్‌ ఆఫీస్‌ నిర్వహించిన ఈ ఈవెంట్‌ ఖతార్‌ యూనివర్సిటీ ప్రెసిడెంట్‌ డాక్టర్‌ హస్సన్‌ రషీద్‌ అల్‌ దెర్హామ్‌ చేతుల మీదుగా ప్రారంభమైంది. అమెరికా, ఫ్రాన్స్‌, జర్మనీ మరియు స్విట్జర్లాండ్‌కి చెందిన ఎంబసీ ప్రతినిథులు ఈ ఈవెంట్‌లో పాల్గొన్నారు. సుమారు 600 మందికి పైగా స్టూడెంట్స్‌ ఈ ఈవెంట్‌ ద్వారా తగిన సమాచారాన్ని తెలుసుకోగలిగారు. వివిధ దేశాలు అందించే విద్య, దాంతోపాటుగా స్కాలర్‌షిప్స్‌ గురించి విద్యార్థులు తెలుసుకుని, తమ భవిష్యత్తు గురించిన మంచి అవగాహనతో ఆయా దేశాలకు వెళ్ళి చదువుకోడానికి వీలుగా ఈ ఈవెంట్‌ జరిగినట్లు నిర్వాహకులు తెలిపారు.