దర్శక ధీరుడు రాజమౌళి డైరెక్షన్‌లో వచ్చిన ‘ఆర్ఆర్ఆర్’ సినిమా ప్రపంచ వ్యాప్తంగా సంచలన విజయం అందుకోవడంతో పాటూ, విమర్శకుల ప్రశంసలు దక్కించుకున్న సంగతి తెలిసిందే.
రామ్ చరణ్, ఎన్టీయార్ కాంబినేషన్‌లో అత్యంత ప్రతిష్టాత్మకంగా తెరకెక్కిన ఈ చిత్రం ప్రపంచ వ్యాప్తంగా 1200 కోట్లకు పైగా వసూళ్లు సాదించి సంచలనం సృష్టించింది.
ఇటీవలే జపాన్‌లోనూ రిలీజై సక్సెస్‌ఫుల్‌గా రన్ అవుతోంది. అలాగే, ఆస్కార్ బరిలోనూ ‘ఆర్ఆర్ఆర్’ నిలిచింది. ఇక, తాజాగా అమెరికాలో ఓ ఈవెంట్‌లో పాల్గొన్న రాజమౌళి స్వయంగా ఈ సినిమాకి సీక్వెల్ వుండబోతోందని వివరించారు. 
గతంలోనూ ‘ఆర్ఆర్ఆర్’ కథా రచయిత, రాజమౌళి తండ్రి అయిన విజయేంద్ర ప్రసాద్, ‘ఆర్ఆర్ఆర్’ సీక్వెల్ గురించి లీక్ ఇచ్చారు. ఇప్పుడు స్వయంగా రాజమౌళి అధికారికంగా అనౌన్స్ చేసేశారు. ఈ వార్త ప్రపంచ వ్యాప్తంగా వున్న రాజమౌళి ఫ్యాన్స్‌తో పాటూ, ఇటు చరణ్ అభిమానుల్ని, అటు ఎన్టీయార్ అభిమానుల్ని సైతం హుషారెత్తిస్తోంది. అయితే, ఈ ప్రాజెక్ట్ ఎప్పుడు పట్టాలెక్కుతుంది.? అనే విషయం మాత్రం ఇప్పుడప్పుడే చెప్పలేనన్నారు జక్కన్న.