మిల్కీ బ్యూటీ తమన్నా పెళ్లి చేసుకోబోతోందంటూ ఈ మధ్య సోషల్ మీడియాలో వార్తలు గుప్పుమంటున్న సంగతి తెలిసిందే. ముంబయ్‌కి చెందిన వ్యాపార వేత్తను తమన్నా పెళ్లి చేసుకోబోతోందంటూ వరుస కథనాలు వినిపిస్తున్నాయ్.
ఈ కథనాలు ఆ నోటా ఈ నోటా తమన్నా చెవిని చేరాయనుకుంటా.! తాజాగా తన భర్త ఫోటో ఇదే.. అంటూ ఓ ఫోటో పోస్ట్ చేసి నెటిజన్లకు బిగ్ షాక్ ఇచ్చింది మిల్కీ బ్యూటీ తమన్నా.
తనకు తెలియకుండానే పెళ్లి సంబంధం ఫిక్స్ చేసేసిన నెటిజనానికి తమన్నా ఇచ్చిన షాక్‌తో దిమ్మ తిరిగి మైండ్ బ్లాంక్ అయ్యింది. తమన్నా అబ్బాయి గెటప్‌లో వున్న ఫోటో అది. ఈయనే నా భర్త.. అంటూ తమన్నా పోస్ట్ చేసింది.
‘ఎఫ్ 3’ సినిమాలో తమన్నా అబ్బాయ్ గెటప్ వేసిన సంగతి తెలిసిందే. ఆ ఫోటోనే తాజాగా నెట్టింట్లో పోస్ట్ చేసింది తమన్నా. దీంతో, తమన్నా ఇప్పట్లో పెళ్లి చేసుకోవడం లేదనీ, ఇంతవరకూ జరిగిన ప్రచారం జస్ట్ టైమ్ పాస్ కోసం నెటిజన్లు సృష్టించిన గాలి వార్తలే అని ఇప్పటికైనా అర్ధం చేసుకుంటారో లేదో నెటిజనం.
ఇక, తమన్నా ప్రస్తుతం మెగాస్టార్ చిరంజీవితో ‘భోళా శంకర్’ సినిమాలో నటిస్తున్న సంగతి తెలిసిందే.