ఒమన్: నార్త్ అల్ షర్కియా గవర్నరేట్‌లోని బిడియాలోని విలాయత్‌లో నవంబర్ 25 నుంచి ప్రతిష్టాత్మకమైన సాండ్ రన్నింగ్ రేస్ ప్రారంభం కానుంది. ఈ మేరకు హెరిటేజ్ అండ్ టూరిజం మంత్రిత్వ శాఖ ఆన్‌లైన్‌లో ఓ ప్రకటన విడుదల చేసింది. నార్త్ అల్ షర్కియా గవర్నరేట్‌లోని హెరిటేజ్,  టూరిజం డిపార్ట్‌మెంట్, క్విక్ ఛాలెంజ్ కంపెనీ సహకారంతో  శుక్రవారం(నవంబర్ 25)న బిడియాలో 'సాండ్ రన్నింగ్ రేస్'ని నిర్వహించనున్నారు. ఇందులో భాగంగా ప్రొఫెషనల్స్ కోసం 10 కి.మీ రేస్, అలాగే ఔత్సాహికులకు 5 కి.మీ రేసులను ప్రత్యేకంగా నిర్వహించనున్నారు. “రేసు ప్రారంభం, ముగింపు బిడియాలోని విలాయత్‌లోని ఎడారి నైట్స్ క్యాంప్‌లో ఉంటుంది. రిజిస్ట్రేషన్, విచారణల కోసం 95222519, 97247557, 99533694 నంబర్లలో సంప్రదించాలి. ”అని హెరిటేజ్ మంత్రిత్వ శాఖ తెలిపింది.