తమిళ స్టార్ హీరోల్లో ఒకరైన విశాల్ గురించి ఈ మధ్య ఓ ప్రచారం తెరపైకి వచ్చింది. మరో స్టార్ హీరో విజయ్ నటిస్తున్న 67వ సినిమాలో విశాల్ విలన్‌గా నటిస్తున్నాడనేది ఆ ప్రచారం సారాంశం.
అయితే, అది వుత్త ప్రచారం అయితే కాదట. నిజంగానే ఆ చిత్ర యూనిట్ విశాల్‌తో సంప్రదింపులు చేసిందట. లోకేష్ కనగరాజ్ దర్శకత్వంలో విజయ్ నటిస్తున్న చిత్రంలో విశాల్‌ని విలన్‌గా తీసుకోవాలనుకున్నారట.
అయితే, ప్రస్తుతం తనకున్న కమిట్మెంట్స్‌తో విశాల్ ఆ ఆఫర్ వదులుకున్నాడనీ ఆయనే స్వయంగా కన్‌ఫామ్ చేశాడు. అయితే, భవిష్యత్తులో విజయ్‌తో కలిసి ఖచ్చితంగా పని చేయాలని కోరుకుంటున్నా.. అని విశాల్ చెప్పాడు.
ఇంతవరకూ హీరోగానే సత్తా చాటిన విశాల్, కథ నచ్చితే, విలన్‌గా నటించడానికి ఎలాంటి అభ్యంతరాల్లేవని ఈ సందర్భంగా క్లారిటీ ఇచ్చాడు. అంటే, త్వరలోనే విశాల్ విలన్ అవతార్ చూడొచ్చన్న మాట అని విశాల్ ఫ్యాన్స్ ఓ అంచనాకి వచ్చేశారు.