బిగ్‌బాస్ తెలుగు సీజన్ 6 క్లైమాక్స్‌కి చేరుకుంది. కేవలం ఒకే ఒక్క వారం మిగిలి వుంది .అది కూడా ఫినాలే వీక్ మాత్రమే. ఇక, చివరి ఎలిమినేషన్‌లో భాగంగా ఇనయా సుల్తానా హౌస్ నుంచి బయటికి వచ్చేసింది.
నిజానికి ఈ ఎలిమినేషన్‌లో కీర్తి కానీ, శ్రీ సత్య కానీ అవుట్ అవుతుందని భావించారంతా. తెర వెనక ఏం జరిగిందో ఏమో కానీ, లాస్ట్ మినిట్‌లో ఇనయాని హౌస్ నుంచి బయటికి పంపించేశాడు బిగ్‌బాస్.
హౌస్‌ని వీడుతూ, శ్రీహాన్ బిగ్‌బాస్ విన్నర్ కావాలని కోరుకుంది ఇనయా. హౌస్‌లో వున్నన్నాళ్లూ టామ్ అండ్ జెర్రీలా కొట్లాడుకున్న ఇనయా, శ్రీహాన్‌లు.. హౌస్‌కి కావల్సినంత స్టఫ్ ఇచ్చారు.
అయితే, చివరిగా శ్రీహాన్‌ని బిగ్‌బాస్ విన్నర్‌గా చూడాలనుకుంటున్నా.. అని ఇనయా చెప్పడం విశేషం. ఇనయా నోట శ్రీహాన్ మాట అలా వచ్చినందుకు శ్రీహాన్ సంతోషంతో ఉబ్బి తబ్బిబ్బయిపోయాడు.