షార్జా మునిసిపాలిటీ 1,211 టన్నుల ఆహార పదార్థాలు నిబంధనల దృష్ట్యా ఆరోగ్యానికి హానికరమైనవని తేల్చాయి. నిబంధనలకు విరుద్ధంగా వీటిని వినియోగదారులకు సరఫరా చేస్తున్నందుకుగాను ఈ ఏడాది ఇప్పటిదాకా 10 పుడ్‌ ఔట్‌లెట్స్‌ని తాత్కాలికంగా మూసివేశారు. డైరెక్టర్‌ ఆఫ్‌ హెల్త్‌ మరియు సెంట్రల్‌ ఫుడ్‌ లేబరేటరీస్‌ డాక్టర్‌ షైకా రషా అల్‌ ఖాసిమి మాట్లాడుతూ, సార్జా మునిసాలిటీకి చెందిన హెల్త్‌ డిపార్ట్‌మెంట్‌ 12,875 తనిఖీలను నిర్వహించిందనీ, ఫుడ్‌ ఔట్‌లెట్స్‌, రెస్టారెంట్స్‌, కేఫిటేరియాలు, తయారీదారులు, ఐస్‌క్రీమ్‌ షాపులు, సంప్రదాయ వంటశాలలు, ఫిష్‌ మరియు మీట్‌ అలాగే వెజిటబుల్‌ మార్కెట్స్‌, హనీ అండ్‌ డేట్‌ ఫ్రూట్‌ దుకాణాలు, గ్రాసరీస్‌, సూపర్‌ మార్కెట్స్‌, వీటితోపాటుగా ఇంపోర్టర్స్‌పై ఈ దాడులు నిర్వహించారు. ఈ సందర్భంగా 1,211 టన్నుల ఆహార పదార్థాల్ని ప్రజారోగానికి హానికరంగా గుర్తించి, నాశనం చేశారు. స్కూల్‌ క్యాంటీన్లతోపాటు, ఆహార పదార్థాల్ని రవాణా చేసే వాహనాల్ని కూడా తనిఖీ చేశారు అధికారులు. గత నెలలో ఫుడ్‌ సేఫ్టీకి సంబంధించి కొత్త ప్రోగ్రామ్‌ రెండో ఫేజ్‌ లాంఛ్‌ చేశారు. ఫుడ్‌ ఇండస్ట్రీ బాగా వృద్ధి చెందుతోందనీ, ఈ పరిస్థితుల్లో నిబంధనల్ని సమర్థవంతంగా పాటించేలా ఎప్పటికప్పుడు తనిఖీలు జరుగుతాయని హెల్త్‌ సెక్షన్‌ డైరెక్టర్‌ సాజా అల్‌ ముల్లా చెప్పారు. ఎమిరేట్‌లో 183 కొత్త ఎస్టాబ్లిష్‌మెంట్స్‌కి మునిసిపాలిటీ అనుమతిచ్చింది. హెల్త్‌ సెక్షన్‌ డిస్కౌంట్‌ ప్రమోషన్స్‌కి సంబంధించి 224 అప్లికేషన్స్‌ని అప్రూవ్‌ చేసింది.