ఖతార్: బాలీవుడ్ బాద్ షా షారూఖ్ ఖాన్ డిసెంబర్ 18న జరిగే ఫిఫా ఫుట్ బాల్ ప్రపంచకప్ ఫైనల్ మ్యాచులో సందడి చేయనున్నారు. డిసెంబర్ 18న జరిగే ఫిఫా వరల్డ్ కప్ ఫైనల్స్‌ను వీక్షించేందుకు తాను ఏస్ ఫుట్‌బాల్ ఆటగాడు వేన్ రూనీతో కలిసి వస్తానని షారూఖ్ చెప్పాడు. ఈ మేరకు బాలీవుడ్ సూపర్‌స్టార్‌ ట్విట్టర్‌లో ఓ వీడియోను పోస్ట్‌ చేశారు. తన కొత్త రాబోయే చిత్రం 'పఠాన్' ప్రమోషన్ కోసం ఫిఫా ప్రపంచ కప్ ఫైనల్లో షారూఖ్ హల్ చల్ చేయనున్నారు. జియో సినిమా, స్పోర్ట్స్ 18 స్టూడియోలలో వేన్ రూనీతో కలిసి షారూఖ్ సందడి చేయనున్నారు. "ఫీల్డ్ పార్ మెస్సీ ఔర్ ఎంబాప్పే... స్టూడియో మేన్ వేన్ రూనీ ఔర్ మెయిన్" అంటూ షారూఖ్ ట్వీట్ క్యాప్షన్ రాసాడు.