కువైట్: అహ్మదీ గవర్నరేట్‌లో అనైతిక కార్యకలాపాలకు పాల్పడుతున్న 12 మంది వ్యక్తుల నెట్‌వర్క్‌ను అంతర్గత మంత్రిత్వ శాఖలోని క్రిమినల్ సెక్యూరిటీ డిపార్ట్‌మెంట్ అరెస్టు చేసినట్లు అంతర్గత మంత్రిత్వ శాఖ ప్రజా సంబంధాల విభాగం ప్రకటించింది. చట్టవిరుద్ధమైన వ్యక్తులను, ప్రజా నైతికతకు విరుద్ధంగా కార్యకలాపాలలో పాల్గొనేవారిని అరెస్టు చేయడానికి, అలాగే మానవ అక్రమ రవాణాను ఎదుర్కోవడానికి నిరంతర ప్రయత్నాలలో భాగంగా చేపట్టిన తనిఖీల్లో వ్యభిచార నెట్‌వర్క్‌ను ఛేదించినట్లు పేర్కొన్నారు. సోషల్ మీడియాలో వ్యభిచార నెట్‌వర్క్‌ను నిర్వహించడానికి ఉపయోగించిన అనేక నిఘా కెమెరాలు, స్మార్ట్‌ఫోన్‌లతో పాటు తొమ్మిది మంది మహిళలు, ముగ్గురు పురుషులతో సహా 12 మందిని అరెస్టు చేసినట్లు అంతర్గత మంత్రిత్వ శాఖ తెలిపింది. తదుపరి చట్టపరమైన ప్రక్రియల కోసం నిందితులందరినీ సంబంధిత విభాగాలకు రిఫర్ చేసినట్లు వెల్లడించారు.