కువైట్: ఫర్వానియాలోని ఒక అపార్ట్‌మెంట్ భవనంలో జరిగిన అగ్నిప్రమాదంలో ఇద్దరు వ్యక్తులు గాయపడ్డారు. శుక్రవారం తెల్లవారుజామున అగ్నప్రమాద సమాచారం అందగానే కువైట్ ఫైర్ ఫోర్స్ బృందం భవనాన్ని అదుపులోకి తీసుకుని మంటలను ఆర్పివేసిందని కువైట్ ఫైర్ సర్వీస్ డైరెక్టరేట్ తెలిపింది. ఫర్వానియా నుండి ఫైర్ ఫోర్స్ బృందం 9 అంతస్తుల భవనంలోని మొదటి అంతస్తులో చెలరేగిన మంటలను శ్రమించి ఆర్పివేశారని పేర్కొంది. అనంతరం అగ్నిమాపక సిబ్బంది భవనాన్ని ఖాళీ చేయించారు. ఈ ప్రమాదంలో స్వల్పంగా కాలిన గాయాలైన ఇద్దరిని ఆస్పత్రికి తరలించినట్లు డైరెక్టరేట్ వెల్లడించింది.