యూఏఈ: యూఏఈలో మరో నాలుగు రోజులు వర్షాలు పడే అవకాశం ఉందని జాతీయ వాతావరణ కేంద్రం (NCM) పేర్కొంది. అక్కడక్కడా కొన్నిసార్లు మెరుపులు, ఉరుములతో కూడిన వర్షాల కారణంగా ఉష్ణోగ్రతలు తగ్గుముఖం పడతాయని తెలిపింది. దేశంలోని అనేక ప్రాంతాలలో ఉపరితల అల్పపీడనం కారణంగా వివిధ స్థాయిలలో వర్షపాతం నమోదైంది.  షార్జాలోని మలీహా అల్ ధైద్, వెషా రోడ్‌లో, రస్ అల్ ఖైమాలోని అల్ దైత్‌, ఫుజైరా, ఉమ్ అల్ క్వైన్, దుబాయ్‌లోని అనేక ప్రాంతాలలో వర్షాలు ప్రారంభమయ్యాయి. వర్షలు పడే సమయంలో రోడ్లపై వాహనదారులు జాగ్రత్తగా ఉండాలని ఎన్సీఎం సూచించింది.