రియాద్: స్టాక్ మార్కెట్ నుండి స్టాక్ మానిప్యులేషన్ ద్వారా పొందిన 55 మిలియన్ డాలర్లకు పైగా అక్రమ లాభాలను తిరిగి చెల్లించాలని సౌదీ కోర్టు ఒక పౌరుడికి శిక్ష విధించిందని పబ్లిక్ ప్రాసిక్యూషన్ ప్రకటించింది. ఎకనామిక్ క్రైమ్స్ ప్రాసిక్యూషన్ పౌరుడిపై స్టాక్ మార్కెట్ కార్యకలాపాలు, షేరు ధరను తారుమారు చేసే పద్ధతులకు పాల్పడినట్లు అభియోగాలు మోపింది. అధిక ముగింపు ధరను సాధించడానికి పౌరుడు 43 సార్లు కొనుగోలు ఆర్డర్‌లను నమోదు చేసినట్లు పరిశోధనలు వెల్లడించాయి. పౌరుడిపై క్రిమినల్ కేసు నమోదు చేశారు. కోర్టు పౌరుడిని దోషిగా నిర్ధారించింది. SR55 మిలియన్లకు పైగా ఉన్న అక్రమ లాభాలను తిరిగి చెల్లించాలని అదేశించింది. అలాగే  స్టాక్ మానిప్యులేషన్ కు పాల్పడినందుకు SR2.15 మిలియన్ల జరిమానా చెల్లించాలని కోర్టు ఆదేశించింది. తడావుల్-లిస్టెడ్ కంపెనీల షేర్లను తన సొంత ఖాతా కోసం లేదా ఇతరుల తరపున ప్రాక్సీ ద్వారా ట్రేడింగ్ చేయకుండా పౌరుడిని నిరోధించాలని అధికారులకు సూచించింది.