బహ్రెయిన్: జిదాఫ్స్ ప్రసూతి ఆసుపత్రిని మూసివేయడానికి ఎటువంటి ప్రణాళికలు లేవని MP మహమూద్ అల్ ఫర్దాన్ స్పష్టం చేశారు. ఆరోగ్య మంత్రిత్వ శాఖ ఆసుపత్రిని మూసివేస్తున్నట్లు సోషల్ మీడియా జరుగుతున్న ప్రచారాలను ఆయన ఖండించారు. దీనిపై ఆరోగ్య మంత్రి డాక్టర్ జలీలా అల్ సయ్యద్ హామీ ఇచ్చారని ఆయన చెప్పారు. "గత వారం, నేను ఆరోగ్య మంత్రి జలీలా అల్ సయ్యద్‌ను కలిశాను. జిదాఫ్స్ మెటర్నిటీ హాస్పిటల్‌ను ఆరోగ్య మంత్రిత్వ శాఖ మూసివేయదని నాకు హామీ ఇచ్చారు." అని ఆయన తన ట్వీట్‌లో తెలిపారు. హాస్పిటల్ పై పుకార్లను తోసిపుచ్చుతూ.. అల్ ఫర్దాన్ జిదాఫ్స్ హాస్పిటల్ నుండి కొంతమంది సిబ్బందిని బదిలీ చేయడం వృద్ధాప్య కేంద్రాలపై ఒత్తిడిని తగ్గించడానికి తాత్కాలిక ఏర్పాటు అని తెలిపారు.