బోయపాటి సినిమాల్లో హీరోలు చాలా ఆటిట్యూడ్‌తో వుంటారు. పక్కా మాసీ లుక్స్‌లో పవర్ ఫుల్‌గా కనిపిస్తారు. తాజాగా బోయపాటి శీను, ఇస్మార్ట్ శంకర్ రామ్‌తో సినిమాకి కమిట్ అయిన సంగతి తెలిసిందే. ఈ సినిమాలో ‘ధమాకా’ భామ శ్రీలీల, రామ్‌తో జోడీ కడుతోంది.
కాగా, ‘ది వారియర్’ సినిమాతో కాస్త డిజప్పాయింట్ చేసిన రామ్ పోతినేని, బోయపాటి సినిమాపై చాలా ఆశలు పెట్టుకున్నాడట. అందుకు తగ్గట్లుగానే సినిమా అవుట్ పుట్ చాలా చాలా బాగా వస్తోందట. 
డిఫరెంట్ వేరియేషన్స్‌లో రామ్ ఈ సినిమాలో కనిపించబోతున్నాడనీ సమాచారం. ఇంతకు ముందెన్నడూ లేని విధంగా రామ్ విపరీతమైన ఎనర్జీతో కనిపించబోతున్నాడట. అసలే రామ్ అంటే ఎనర్జీకి పెట్టింది పేరు. అలాంటిది ఇంతకు ముందెన్నడూ లేని విధంగా అంటే, ‘అఖండ’ రేంజ్‌లో ధడ ధడలాడించేయడం ఖాయమని రామ్ ఫ్యాన్స్ ఫిక్సయిపోయారు. అన్నట్లు ఈ సినిమాని ప్యాన్ ఇండియా రేంజ్‌లో తెరకెక్కిస్తున్నాడు బోయపాటి శీను.