పాత్ర కోసం ఎంత దూరమైనా వెళ్లేందుకు సిద్ధమయ్యే హీరోల్లో విక్రమ్ పేరు మొదటి స్థానంలో వుంటుందని చెప్పొచ్చు. పాత్ర కోసం ప్రాణం పెట్టేసే నటుడు విక్రమ్. ఎంత రిస్క్ అయినా నో చెప్పడు.
అందుకే ఆయన నుంచి ‘అపరిచితుడు’, ‘ఐ’ తదితర చిత్రాలొచ్చాయ్. తాజాగా మరోసారి విక్రమ్ ప్రయోగం చేయబోతున్నాడు. ‘కబాలి’ ఫేమ్ పా రంజిత్ దర్శకత్వంలో విక్రమ్ హీరోగా ఓ సినిమా రూపొందుతోంది. 
ఈ సినిమాలో విక్రమ్ ఓ గిరిజన తెగ నాయకుడి పాత్రలో కనపించబోతున్నాడు. ఈ పాత్రకి సంబంధించిన మేకప్ చాలా రిస్కీ అట. దాదాపు 4 గంటల సమయం మేకప్‌కే పడుతుందట. అంతటి హెవీ మేకప్ కోసం ప్రోస్థటిక్ ప్రాసెస్ యూజ్ చేయబోతున్నారట. 
ప్రస్తుతం శరవేగంగా షూటింగ్ జరుపుకుంటోన్న ఈ సినిమా చెన్నైలో షూటింగ్ జరుపుకుంటోంది. విక్రమ్ కెరీర్‌లో ఇదో రిస్కీ అటెంప్ట్ అంటున్నారు. చూడాలి మరి, ఈ రిస్క్ విక్రమ్‌కి ఎలా కలిసొస్తుందో.!