బుట్టబొమ్మ అంటే పూజా హెగ్దే అనుకునేరు. కాదు కాదు, ఇప్పుడు బుట్టబొమ్మ అంటే అనిఖా సురేంద్రన్. ఆమె నటిస్తున్న తాజా చిత్రం పేరు ‘బుట్టబొమ్మ’. ఈ సినిమాతోనే హీరోయిన్‌గా తెరంగేట్రం చేస్తోంది అనిఖా సురేంద్రన్.

చైల్డ్ ఆర్టిస్ట్‌గా పలు సక్సెస్ ఫుల్ సినిమాల్లో నటించిన అనిఖా, హీరోయిన్‌గానూ రాణించేందుకు సర్వం సిద్ధం చేసుకుంది. అందులో భాగంగానే తెలుగులో ‘బుట్టబొమ్మ’ సినిమాతో రాబోతోంది.

ఈ సినిమా ఈ నెల 26న రిలీజ్ కావల్సి వుండగా, మరో వారం రోజులు పోస్ట్ పోన్ అయ్యింది. ఫిబ్రవరి 4న ‘బుట్టబొమ్మ’ ప్రేక్షకుల ముందుకు రాబోతోంది. సూర్య వశిష్ట, అర్జున్ దాస్ ఈ సినిమాలో హీరోలుగా నటిస్తుండగా, శౌరి చంద్రశేఖర్ రమేష్ డైరెక్టర్‌గా పరిచయమవుతున్నాడు.

యూత్ ఫుల్ ఎంటర్‌టైనర్‌గా ఈ సినిమా అన్ని వర్గాల ప్రేక్షకుల్నీ విశేషంగా అలరించబోతోందని అంటున్నారు. ప్రమోషన్లు గట్టిగా చేస్తున్నారు.ఈ నేపథ్యంలోనే తనకు విజయ్ దేవరకొండ అంటే చాలా ఇష్టమని చెప్పింది అనిఖా సురేంద్రన్. దాంతో, రౌడీ ఫ్యాన్స్ నెట్టింట్లో అనిఖాని ఫాలో చేయడం స్టార్ట్ చేసేశారు.