తెలుగు నాట గోంగూరకు ప్రత్యేకమైన స్థానం వుంది. ఆకుకూరల్లో గోంగూరకు ప్రధమ స్థానం అనే చెప్పాలేమో. అయితే, గోంగూర విషయంలో చాలా మందికి చాలా అనుమానాలున్నాయి. అవేంటో ఇప్పుడు తెలుసుకుందాం.

గోంగూరలో విటమిన్లూ, ఐరన్ పుష్కలంగా వుంటుంది. గోంగూర తింటే ఎక్కువగా వేడి చేస్తుందన్న అనుమానం చాలా మందిలో వుంటుంది. కానీ, గోంగూరలోని ఐరన్ శరీర ఉష్ణోగ్రతని సమపాళ్లలో వుంచుతుంది.

బాలింతలకు గోంగూర అస్సలు పెట్టరు. కానీ, గోంగూర తినడం వల్ల బిడ్డకి సరిపడా పాలు పుష్కలంగా పడతాయని నిపుణులు చెబుతున్నారు. గోంగూరలో ఫైబర్ కంటెంట్ చాలా ఎక్కువ. రోగ నిరోధక శక్తిని అందించడంలో గోంగూర పాత్ర కీలకం. అలాగే గోంగూర తరచూ తినేవారిలో హెయిర్ ఫాల్ సమస్య కాస్త తక్కువగా వుంటుందని సర్వేలు చెబుతున్నాయ్.