సినీ ప్రపంచంలో రకరకాల టెక్నాలజీలు పరిచయమయ్యాయ్. తాజాగా సింగిల్ షాట్, సింగిల్ క్యారెక్టర్ అనే కొత్త టెక్నాలజీని పరిచయం చేస్తోంది ముద్దుగుమ్మ హన్సిక తన సినిమాతో. 

హన్సిక నటించిన కొత్త సినిమా ‘వన్ నాట్ ఫైవ్ మినిట్స్ (105 మినిట్స్)’. త్వరలో ఈ సినిమా ప్రేక్షకుల ముందుకు రానుంది. ఈ నేపథ్యంలో తన సినిమా గురించి చెబుతూ ప్రపంచంలోనే మొదటి సారి ఈ టెక్నాలజీతో తెరకెక్కుతోన్న తెలుగు సినిమాగా ఈ సినిమా చరిత్ర సృష్టించబోతోందని అంటోంది. 

సైకలాజికల్ థ్రిల్లర్ నేపథ్యంలో రూపొందుతోన్న ఈ సినిమాలో ఒకే ఒక్క క్యారెక్టర్ అది కూడా హన్సిక మాత్రమే కనిపిస్తుందట. 105 నిముషాల పాటు, ప్రేక్షకుల్ని సరికొత్త థ్రిల్‌కి గురి చేయనుందట ఈ సినిమా. అదెలాగో తెలియాలంటే రిలీజ్ వరకూ ఆగాల్సిందే.