జెడ్డా: ప్రవాసులకు సౌదీ ప్రభుత్వం మరో గుడ్ న్యూస్ తెలిపింది. ఇకపై ప్రవాసులు తమ మ్యారేజ్ సర్టిఫికేట్ ను సౌదీ కోర్టుల నుంచి పొందవచ్చు. అయితే, వధువు తండ్రి సౌదీలో నివాసం ఉంటేనే ఇది సాధ్యం అవుతుందని సౌదీ న్యాయ మంత్రిత్వ శాఖ వెల్లడించింది. ప్రవాస దంపతులు సౌదీని విజిట్ విసా లేదా ట్రాన్సిట్ వీసా ద్వారా సందర్శించిన సమయంలో తమ వివాహ ఒప్పందాన్ని పొందవచ్చని తెలిపింది. భార్యాభర్తలు నజీజ్ సెంటర్ ఫర్ జ్యుడీషియల్ సర్వీసెస్ ద్వారా తమ వివాహాన్ని డాక్యుమెంట్ చేసుకోవాలని మంత్రిత్వ శాఖ పేర్కొంది. అన్ని మంత్రిత్వ శాఖ సేవలను అందించే నజీజ్ పోర్టల్ ద్వారా ఈ సర్వీస్ ప్రయోజనాన్ని పొందవచ్చని మంత్రిత్వ శాఖ స్పష్టం చేసింది. అబ్షర్ ప్లాట్‌ఫారమ్‌లో అన్ని వివరాలను నమోదు చేయడం ద్వారా ఈ సేవ కోసం విధానాలను పూర్తి చేయవచ్చని తెలిపింది.