యూఏఈ: రమదాన్ పండుగను పురస్కరించుకొని ఎక్స్‌పో సిటీ దుబాయ్‌ ప్రత్యేక ప్రోగ్రామ్ ను ప్రకటించింది. 'హాయ్ రమదాన్' పేరుతో మార్చి 3 నుండి ఏప్రిల్ 25 వరకు ప్రత్యేక సీజన్ ను నిర్వహించనుంది. ఎక్స్‌పో సిటీ దుబాయ్ ఎగ్జిక్యూటివ్ క్రియేటివ్ డైరెక్టర్ అమ్నా అబుల్‌హౌల్ మాట్లాడుతూ.. ఎక్స్‌పో 2020 దుబాయ్ ప్రపంచాన్ని ఒక చోటికి చేర్చినట్లే, ఎక్స్‌పో సిటీ దుబాయ్‌లోని ‘హాయ్ రమదాన్’ పవిత్ర మాసంలో అన్ని ప్రాంతాల నుండి విభిన్న కమ్యూనిటీలను ఒకచోట చేర్చుతుందన్నారు. అల్ వాస్ల్ షో, స్పోర్ట్స్ యాక్టివిటీలతో సహా హై రమదాన్ కి ప్రవేశం ఉచితమని, కొన్ని వర్క్‌షాప్‌లు, గేమ్‌లకు మాత్రం సఫరేటుగా ఛార్జీలు ఉంటాయని తెలిపారు. హాయ్ రమదాన్ సాయంత్రం 4 నుండి రాత్రి 10 గంటల వరకు ఉంటుందని..పవిత్ర మాసంలో సాయంత్రం 5 నుండి తెల్లవారుజామున 2 గంటల వరకు సందర్శకులకు స్వాగతం పలుకుతుందని అమ్నా అబుల్‌హౌల్ వెల్లడించారు.