బహ్రెయిన్: సిరియా, టర్కీని వణికించిన భూకంపం బాధితుల కోసం తక్షణ మానవతా సహాయం కోసం బహ్రెయిన్ తన జాతీయ ప్రచారం కింద $3.7 మిలియన్ (BD1.38 మిలియన్) కంటే ఎక్కువ సేకరించినట్లు రాయల్ హ్యుమానిటేరియన్ ఫౌండేషన్ (RHF) ప్రకటించింది. హిస్ మెజెస్టి కింగ్ హమద్ బిన్ ఇసా అల్ ఖలీఫా ఆదేశాల మేరకు బహ్రెయిన్ టీవీ RHF సహకారంతో "సాలిడారిటీ డే"ని నిర్వహించింది. హిస్ మెజెస్టి కింగ్ ఫర్ హ్యుమానిటేరియన్ ప్రతినిధి హిస్ హైనెస్ షేక్ నాసర్ బిన్ హమద్ అల్ ఖలీఫా ఆధ్వర్యంలో ఈ కార్యక్రమం జరిగింది.  ఆయ పిలుపు మేరకు బహ్రెయిన్‌లు, నివాసితులు, జాతీయ సంస్థలు,కంపెనీలు, బ్యాంకులు, సొసైటీలు, ఇతర సామాజిక భాగాలు బహ్రెయిన్ TVలో ప్రసారమైన విరాళ టెలిథాన్‌కు విశేషంగా స్పందించారు. ఈ సందర్భంగా విరాళాలు అందజేసిన వారికి నిర్వాహకులు కృతజ్ఞతలు తెలిపారు. భూకంప బాధితుల కోసం క్యాంపెయి  ఇంకా కొనసాగుతోందని, ఆర్‌హెచ్‌ఎఫ్ ఛానెల్‌ల ద్వారా విరాళాలు అందజేయవచ్చిన ఆయన పేర్కొన్నారు.