ఆంధ్రప్రదేశ్‌లో పెట్టుబడులకు చాలా అవకాశాలు ఉన్నాయని ముఖ్యమంత్రి చంద్రబాబు నాయుడు తెలిపారు. మంగళవారం చంద్రబాబుతో మలేషియా పారిశ్రామికవేత్తల సమావేశమయ్యారు. ఈ సందర్భంగా సీఎం మాట్లాడుతూ మలేషియా సహకారంతో హైదరాబాద్‌లో టౌన్‌షిప్‌ నిర్మించామని చెప్పారు. అమరాతి నిర్మాణానికి మలేషియా సహకారం అందించాలని కోరారు. ఏపీలో పెట్టుబడులు పెట్టేందుకు 26 దేశాలు ముందుకొచ్చాయని, పరిశ్రమల ఏర్పాటుకు త్వరగా అనుమతులు ఇస్తామని సీఎం చంద్రబాబు వెల్లడించారు. ఈ సమావేశానికి మంత్రి నారాయణ, మలేషియా మంత్రి మహ్మద్‌ హాజరయ్యారు.