తెరపై ఆయన కనిపించడు. ఆయన పాత్రలు మాత్రమే కనిపిస్తాయ్. అంతలా పాత్రల్లో పరకాయ ప్రవేశం చేస్తాడు నాని. ఎటువంటి బ్యాక్ గ్రౌండ్ లేకుండా తనకంటూ ఓ గుర్తింపు దక్కించుకున్న హీరో నాని. అందుకే నేచురల్ స్టార్ అని నానిని ముద్దుగా పిలుచుకుంటారు.
చివరిగా ‘అంటే సుందరానికి’ అంటూ వచ్చాడు. అనూహ్యంగా ఈ సినిమా ఆశించిన విజయం అందించలేదు నానికి. త్వరలో ‘దసరా’ సినిమాతో మాస్ మసాలా ఎంటర్‌టైన్‌మెంట్ సిద్ధం చేశాడు. కీర్తి సురేష్ ఈ సినిమాలో హీరోయిన్. అలాగే, ‘దసరా’ సినిమా నుంచి తప్పుకుని వెంటనే తన కొత్త ప్రాజెక్ట్‌లోనూ బిజీ అయిపోయిన సంగతి తెలిసిందే. 
తండ్రీ కూతురు సెంటిమెంట్‌తో తెరకెక్కుతోన్న ఈ సినిమాలో సరికొత్త గెటప్‌లో నాని కనిపించబోతున్నాడని ఆయన తాజా లుక్స్ చూస్తుంటే అర్ధమవుతోంది. ఇక, ‘దసరా’ సినిమాపై చాలా నమ్మకంగా వున్నాడు నాని. ప్రమోషన్లు కూడా గట్టిగా చేస్తున్నారు. ఈ రోజు ఆయన తన 39వ పుట్టినరోజుని ఘనంగా సెలబ్రేట్ చేసుకుంటున్నారు. ఈ సందర్భంగా మనం కూడా నానికి బర్త్ డే విషెస్ చెప్పేద్దామా.! ఆయన ‘దసరా’ సినిమా సూపర్ హిట్ అవ్వాలని కోరుకుంటూ, హ్యాపీ బర్త్‌డే టు యూ నాని.